Genderwahn

Genderwahn… e Wuert, dat entstanen ass, well verschidde Leit einfach komplett de Bezuch zur Realitéit verluer hunn. E Wuert, dat et eigentlech net dierft ginn.

Et ass net méi normal an och net méi ze akzeptéieren, wéi an der Lescht hei iwwerdriwwe gëtt, wann et ëm d´Fro vun de Geschlechter geet. Dat Zil, eng Gläichberechtegung fir béid Geschlechter ze erreechen, hu mir wäit verfeelt. Et ass esouguer zu engem reegelrechte Geschlechterkampf ausgeaart.

Mir hunn dofir gekämpft, datt Fraen déiselwecht Rechter hu wéi Männer, an dat hu mir zum gréissten Deel erreecht. Och wann et nach vereenzelt Ongerechtegkeete gëtt, sou huet et awer näischt méi mat fréier ze dinn. Mir Fraen duerfe wiele goen, schaffe goen, eis eege Sue verwalten, mir kruten déi nämmlecht Méiglechkeeten, déi d‘Männer schonn ëmmer haten. Ech als Fra si méi wéi zefridden; wat d’Sozial- an d’Aarbechtsliewe betrëfft, spieren ech keen Ënnerscheed vis-à-vis vun eise männlechen Zäitgenossen.

Eis stinn haut relativ all Optiounen op: Mir kënnen dee Beruff léieren, deen eis gefält an opgrond vun eise Qualifikatiounen eng Aarbecht fannen, eis do eropschaffe wa mir wëllen – duerch Ustrengung an Engagement, grad ewéi eis männlech Kollegen och – a Karriär maachen. Mir kënnen och an d´Politik goen, wa mir eis dofir beruff fillen. Oder awer mir kënnen entscheeden, datt mir léiwer eng Famill grënnen an doheem bei eise Kanner bleiwen. Eigentlech!

Wieren do net all déi selbsternannten „Fraerechtler“, déi aus der gewonnener Entscheedungsfräiheet einfach emol eng gesellschaftlech, jo souguer moralesch Flicht maachen. „Frauen an die Macht“ liest een a fettgedréckte Buschtawen an der Zeitung. „Frae musse politesch aktiv ginn“ schaalt et aus de Reie vun den agesiessene Parteien. „Frae musse Karriär maachen; a Chefpositioune sëtzen“ heescht et an de Medien. „Einfach“ Hausfra a Mamm sinn, dat geet haut net méi duer an ass keng wierklech Optioun méi. Dat gëtt als almoudesch a schwaach ofgewäert.
A well domat net jiddereen averstanen ass, zwéngt een de Leit dës Meenung kuerzerhand op, andeems een einfach Quoten aféiert. Sou wéi et beispillsweis an der Politik gemaach gouf.

Et geet awer elo well duer! Wann eng Fra sech wierklech politesch engagéiere wëllt, a sech dozou beruff fillt, sech fir d’Walen opzesetzen – da mécht si dat och! An et gëtt näischt, wat esou eng Fra méi demotivéiert, wéi sech opzestellen, fir dann an de Wieler hiren Aen als „Quotefra“ ze gëllen. A wann déi agesiesse Parteien dat net verstinn, well hir intern Politik et Frae vläicht onnéideg schwéier mécht, fir hir Plaz am politesche Liewen ze fannen (dat géif hire Besoin u Quoten erklären), da mussen déijéineg sech an hir intern Politik a Fro stellen, amplaz aneren ze imposéiere, wat si selwer brauchen.

Keng Fra wëllt e Posten, deen si nëmme kritt, domat eng Quot erfëllt gëtt. A kee Mann wäert eng Fra an hirer Funktioun respektéieren – egal wéi kompetent si ass – mam Gedanken, datt hie selwer eventuell vu vir eran, eleng duerch säi Geschlecht, als méigleche Kandidat ausgeschloss war.
A keng Fra wëllt an engem Beruff schaffen an deem si sech net erëmfënnt, an/oder hir Kanner vun anere Leit erzéie loossen, nëmme well si sech dozou verflicht fillt, sech als Fra ze beweisen. Et ass hiert gutt Recht sech dofir ze entscheeden „haaptberufflech“ Mamm an Hausfra ze sinn. Och dat gehéiert zur Entscheedungsfräiheet vun enger Fra.

Mir Frae brauche keen, deen eis un der Hänni hëlt an eis erkläert, wat gutt fir eis ass! Et geet eis Fraen eleng dorëm gläichwäerteg behandelt ze ginn, an net anescht wéi all aneren. Mir wëllen a brauche keng Quoten! Mir brauche kee Pseudo-Respekt. De Respekt, dee mir entgéint bruecht kréien, soll een opriichtege sinn, dee mir eis selwer verdéngen. Dee kann an duerf net erzwonge ginn. Kee Mënsch respektéiert een anere wierklech, just well e Reglement dat verlaangt!

A mir brauchen och keng Extra-Behandlung opgrond vun eisem Geschlecht. Dat ass sexistesch a virun allem kontraproduktiv! Wann dann nach gläichzäiteg verlaangt gëtt, datt dem Geschlecht vun engem Mënsch keng Bedeitung zoukomme gelooss gëtt, kann et sech bei der „Fraequot“ dach nëmmen ëm eng Farce handelen! Dovun ofgesinn ass et eng Beleidegung fir all Fra, déi selbstbewosst duerch d’Liewe geet a sech hir Ziler selwer setzen an erreeche wëllt.

Nathalie Breyer

04.11.2017

Famill.lu“ mécht elo eng kleng Vakanz, mä eis FB Säit Méi Elteren, manner Staat, ass nach ëmmer aktiv.

Och Är Commentairen sinn nach ëmmer Wëllkomm!

Eng schéin Vakanz un iech all a genéisst di Zäit mat äre Kanner, mat ärem Partner, mat all deene Mënschen, déi iech eppes bedeiten.

Agenda

 

Famill.lu an Méi Elteren, manner Staat : dat selwecht Engagement fir d’Wuel vun de Kanner an d’Wuel vun den Elteren

Famill.lu: All Dag, Är Commentairen, all Méindes nei Artikelen

 Liens utiles :

Initiativ Liewensufank: www.liewensufank.lu

Association pour la vie naissante: http://www.vienaissante.lu/

FAPEL: http://www.fapel.lu/

(dës Lëscht kann gären completéiert ginn, sot eis Bescheed).

 

258 pensées sur “Genderwahn”

  1. Ech spillen lo mol einfach « Lieschen Müller » a proposéieren eng Léisung: Wann déi Persoun, déi hier Kanner doheem betreit, géing als beruffstäteg ugesin géif ginn a géing eppes verdéngen mat däer Arabecht, da kéinten déi Meescht sech et leeschten, doheem ze bleiwen an déi Meescht géingen dat och maachen. Da géinge jo Milliarde gespuert kënne ginn, déi lo a « Strukturen » gestach ginn. Et ass jo schliesslech e Beruf (an net ze knapps). Vu, dass hautdesdaags awer déi Meescht zu 2 MUSSE schaffe goen, well si soss net iwwert d’Ronne kommen, leeft alles kromm hei. Dëslescht hun ech ënner engem aaneren Artikel gelies: Elteren menge jo sie MISSTEN zu 2 schaffe goen . Ech behaapte mol, dat sinn déi mannst. Mäi Rot un d’Politik: Maacht einfach aus Mamm/Papp e Beruff. Selbstverständlech mat Pflichten a Rechter. Gittt deem, deen dëse Beruff ausübt, eng Paie. Dat géif vill méi bëlleg ginn an et wier vill besser fir d’Kanner!

  2. Mir verkafen Liewenszäit géint Geld ouni ze wëssen wat Geld ass a wéi et funktionéiert. Mir probéieren mat Konsum Gléck ze produzéieren ouni ze wëssen, wat ons glécklech mécht. Mir glorifizéieren d’Demokratien ouni ze wëssen wat dat Wuert iwwerhapt heescht. Firwat gëtt an de Medien e Bild vun der moderner Fra verkaaft, déi schaffe geet? Firwat gëtt de Mann an der Werbung nach just als Hampelmann presentéiert? Firwat gi Kanner, déi méi aktiv am Denken sinn mat Drogen konform gemaach? Kann dee beschten Erzéier, e Papp oder eng Mamm ersetzen? Wat sollen di Erzéier vermëttlen an wien entscheed dat? Firwat ënnerstëtzt all Regierung an Europa e System, wou d’Famill mat hiren ursprénglëchsten Fonktiounen zerstéiert gëtt? Geet et wierklech ëm d’Kanner oder geet et ëm d’Gesellschaft vu muer, déi haut scho geplangt ass? Et läit bei ons, ob mir matspillen oder nei Weeër sichen! An, jo, et ginn der!…

    1. Et ass jo wierklech esou traureg, dass fir dat Materiellt op der Welt, alles
      gemaach gëtt, fir Geld a Muecht, awer fir d`Liewen, fir Kanner, aal Leit, krank Leit,
      an haptsächlech fir d`Familljen als Ganzt, ëmmer manner.
      Eng Fra oder e Mann as näischt Wäert, wann e wëll bei senge Kanner sinn,
      an se net nëmmen a Friembetreiung wëll ginn, Wirtschaft, Wirtschaft, dat muss
      fluppen, et ass einfach traureg…………….

  3. Ech kennen ganz vill Kanner, an di sinn am léifsten bei hiren Elteren (ech weess dat), suguer, deels meng Teenien am Lycée. Si hu sech deels esou eleng doheem gefillt (well d’Elteren zu 2 schaffen) dass se fräiwëlleg bei maer an der Schoul bliwwen sinn, wann ech no 2 Auer nach do eppes ze knëschelen hat. An déi hunn hier Elteren esou vermësst! Traureg eigentlech! Ech woar gär an der Schoul, awer gefreet hunn ech mech fir heem, wann se eriwwer war, wou ech wousst dass een do war, deen ËMMER en oppent Ouer hat fir meng Problemer, nämlech meng gutt Mamm. Wat e Luxus, a wéi schued, dass dat an esou engem räiche Land wi Lëtzebuerg, haut e Luxus ass.

  4. Ëmmer méi eng grouss Offerte vun Kannerstrukturen, Maison relais an Crêchen, dat ass dee falschen Wee. Wat se do alles sollen léieren, kréien se méi flott an einfach an den Sportvereiner an Musékschoulen an léieren do, mat aneren Kanner all Sproochen di se brauchen, vum selwen.

    1. Elteren kréien net mé mat, wéi hier Kanner sin
    2. Sportvereiner kréien keng Kanner zu normalen Zäiten an hier sou wichtig Aktivitéiten; Strukturen bréngen Kanner net a schränkt Vereiner extrem an, an hieren Organisatiounen.
    3. Den Musékunterricht leid och enorm, dat Kanner ze vill an Strukturen sinn; si kënnen hiert Instrument guer net, üben iwwert d’Woch an de Weekend ass Rou:). Mëttesstonn konnten mir ëmmer Musékcoursen halen; ass elo doduerch, datt d’Schoul riecht duerch bis 14.30 oder 15.30, Schoul hunn onméiglech ginn an Zäit duerno ass enorm ageschränkt ginn.
    4. Och Samsdes hun nach Kanner am Eisleck Schoul; si sinn net all dispo fir aner Aktivitéiten.

    Well se net méi genuch sech selwer kënnen beschäftigen mat Sport a Musék huelen Agressivitéiten och zou, well nëmmen nach méi « agespaart » sinn an den Maison relais an Crêchen, dat soll Noutléisung bleiwen!!

  5. Et ass effektiv esou, dass an der lescht mer vill Leit an eisem Ëmfeld erzielt hunn, wéi midd hir Kanner sinn, dass se kräischen, well se net méi (sou vill) an d’maison relais wëllen. Leit, déi virdrun awer ëmmer fonnt hunn, dass dat jo flott ass fir d’Kanner an och gutt fir se ass. Mat der Zäit fänkt e Kand un sech ze « wieren ». Et kann dat oft net verbal (an oft gëtt de Kanner net nogelauschtert!). Dofir äussert sech dat ënnert enger anerer Form: si sinn wibbeleg, midd, traureg, aggressiv, onmitivéiert, onkonzentréiert, hunn Schoulschwieregkeeten…
    An elo ass et awer esou, dass d’Elteren, déi dat elo mierken an verstin, et änneren WËLLEN mee net onbedingt KËNNEN! De Patron accordéiert net, Stonnenreduzéierung. An genau DO misst eis Regierung eppes maachen. Deelzäitaarbecht misst accordéiert ginn! Ech schwätzen do net an engem Zäitraum, bis Kanner 18 Joër hunn, ma villait fir Kanner ënner 8 Joer. Dat wier jo mol een Léisungsusaatz. Well och wann Leit sech et finanziell kinnten leeschten manner ze schaffen, kënnen se sech et awer net leeschten, ze riskéieren hir Aarbecht ze verléieren.

  6. Et wär dach alles sou einfach! De Staat bräicht nëmmen déiselwecht Somme un déi Elteren ze ginn, déi wëllen déi éischt 3 Joer doheem bei hire Kanner bleiwen, mat der Bedingung, datt se gingen hiren Bäitrag an d’Pensiounskeess bezuelen, a schonns wieren se ofgeséchert !

  7. « On valorise trop les choix rationnels,,,. On ment à l’homme: on lui fait croire que sa grandeur, c’est d’être intelligent et rationnel, alors que la vie est plus compliquée et qu’il y a des choses qui sont supérieures à la raison. » (Charles Pépin, philosophe)

  8. „Wer unter Druck und Stress steht, wird auch in seinen Beziehungen eher trockene Rationen austeilen, Stress ist nun einmal ein sehr effektiver Beziehungskiller. Und deshalb wird sich niemand wundern, dass auch das Klima in der Gesellschaft einen Einfluss darauf hat, welche »Kinderbilder« gerade im Angebot sind. Wo die Erwachsenen unter Stress stehen, sich fürchten oder in ihrem Selbstwertgefühl beschädigt sind, dominieren auch in Bezug auf die Kinder, eher die harten, pessimistischen Töne. (Dr Herbert Renz-Polster)

  9. Bei der ADR steet d’Kand , seng Bedürfnisser an seng Rechter wierklech am Mëttelpunkt, an dat net nëmmen um Pabeier.
    Si fuerdert och fir déi Elteren doheem, déi hir Kanner wëllen déi éischt Joren selwer erzéien, déiselwecht Ennerstëtzung wéi fir déi, déi wëllen schaffen goen,
    a si trëtt bei allem an fir den fräie Choix.

  10. Et ass effektiv esou, dass an der lescht mer vill Leit an eisem Ëmfeld erzielt hunn, wéi midd hir Kanner sinn, dass se kräischen, well se net méi (sou vill) an d’maison relais wëllen. Leit, déi virdrun awer ëmmer fonnt hunn, dass dat jo flott ass fir d’Kanner an och gutt fir se ass. Mat der Zäit fänkt e Kand un sech ze « wieren ». Et kann dat oft net verbal (an oft gëtt de Kanner net nogelauschtert!). Dofir äussert sech dat ënnert enger anerer Form: si sinn wibbeleg, midd, traureg, aggressiv, onmitivéiert, onkonzentréiert, hunn Schoulschwieregkeeten…
    An elo ass et awer esou, dass d’Elteren, déi dat elo mierken an verstin, et änneren WËLLEN mee net onbedingt KËNNEN! De Patron accordéiert net, Stonnenreduzéierung. An genau DO misst eis Regierung eppes maachen. Deelzäitaarbecht misst accordéiert ginn! Ech schwätzen do net an engem Zäitraum, bis Kanner 18 Joër hunn, ma villait fir Kanner ënner 8 Joer. Dat wier jo mol een Léisungsusaatz. Well och wann Leit sech et finanziell kinnten leeschten manner ze schaffen, kënnen se sech et awer net leeschten, ze riskéieren hir Aarbecht ze verléieren.

  11. Wann d’Kanner an der Schoul solle matkommen, ass d’Léisung net, per force an der Crèche, Franséisch ze léieren, mä et ass all Dag, wou se an der Schoul solle matkommen, d’Hausaufgaben maachen, liesen a verstoen, wat se léieren. A wann d’Elteren sech interesséieren fir dat, wat se an der Schoul léieren, sinn se op der gewonnener Säit.

  12. Komme grad aus Schweden an Dänemark. Do gesäit een vill Elteren, di sech décidéiert hunn bei de Kanner ze bleiwen bis se an d’Schoul ginn. Et as cool ze gesinn 🙂!!! Konsequenz: d’Spillplazen an Caféen, Bäckereien, Stroossen, si gefëllt mat sozialem Liewen 😉 Mammen a Pappen, di sech austauschen oder de Kanner nolafen, Kanner di hier Rascht am Buggy halen, Elteren di op de Spillplazen, Mëttes mat de Kiddies picknicken etc. Wow! « Way to go », hu mer hei….

  13. Et wär dach alles sou einfach! De Staat bräicht nëmmen déiselwecht Somme un déi Elteren ze ginn, déi wëllen déi éischt 3 Joer doheem bei hire Kanner bleiwen, mat der Bedingung, datt se gingen hiren Bäitrag an d’Pensiounskeess bezuelen, a schonns wieren se ofgeséchert !

  14. « Nous réinventons le nihilisme. »
    « Le nouveau nihilisme qui nous guette et nous met en danger est un nihilisme sans foi ni loi. Le danger qui nous guette, c’est le je m’en foutisme, c’est tout ce qui est en train de détruire notre société, c’est le calcul à très court terme. C’est l’oubli du long terme, c’est la destruction de la planète. C’est l’instauration progressive d’une société de marché où toutes les activités humaines doivent être régulées par le marché, ce qui est quelque chose d’effarant. » (Jean-Claude Guillebaud)

  15. Ass et net traureg, dass esou vill geschwat a geschriwwe gëtt, iwwer dat natierlechst vun der Welt: seng Kanner erzéien, fir seng Kanner, einfach do sinn, hiren Alldag deelen. Esou vill Elteren däerfen dat net méi an do gesi mer wéi traureg, dat Ganzt ass. Ech hoffen, et kann eppes bewierkt ginn. Fuert weider mat Ärem Engagement.

  16. Zu der Reform vum Congé parental:
    D’Reform vum Congé parental gesäit jo no baussen wierklech ganz flott aus. D’Flexibilitéit ass jo ganz sécher e Pluspunkt. Finanziell schéngt en jo och méi attraktiv ze sinn AWER AWER AWER nëmmen fir déi Mammen oder Pappen, déi virum Congé parental à plein-temps geschafft hunn!!! An dovunner schwätzt keen! Huet en dat Joer virdrun schon à temps-partiel geschafft, huet en net de vollen Montant zegutt (sou wéi et soss eben eng prime war wou jiddfereen d’Recht drop hat). Dat mécht, datt sech eng Partie Elteren also guer keen Congé parental méi kënnen leeschten!!!
    Main eegent Bespill wier: Virun méngem Congé hat ech e mi-temps geschafft. Während méngem Congé parental krut ech déi Prime vun 1.778,31€. Mat Prêt an allgemeng fixen Ausgaben war dat enk an während däer Zäit hunn mir als Famill schon op sou munches missten verzichten (wéi sou vill Familljen bei engem Congé parental). Duerno sinn ech mat engem mi-temps zeréck schaffe gaangen. Géif ech dann bei engem weideren Kand ërëm e Congé parental wëllen ufroen, géif ech net emol 1.200€ eraus kréien Dat géif definitif net duer goen!!! Also hätt ech do mol guer keen Choix méi an kéint do mol guer keen Congé parental méi ufroen! An ech hunn studéiert an un sech nach e soi-disant « gudde » Salaire mat engem mi-temps. An eng Mamm oder e Papp, déi à temps-partiel schaffen (als Choix oder och net als Choix!), déi kënnen sech dat jo schon guer net méi leeschten!!! Firwaat gëtt een « bestrooft » wann een à temps-partiel schafft? Firwat ass dem engen säin Congé parental 3.200€ wäert an engem aneren säin 1.900€ (wann en virdrun plein-temps geschafft huet)? Dës Reforme ass sozial NET gerecht. Traureg, an erschreckend zugläich…

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *