famill3  Et geet esou weider: d’Kanner sollen all an d’Crèche goen, Schoulkanner sollen méi laang an der Schoul bleiwen. Wat als „cours d’appui“ geduecht war, soll elo obligatoresch ginn, och fir déi Kanner, di keng Schwieregkeeten an der Schoul hunn, och fir déi Kanner, deenen hir Elteren gären mat hinnen géife léieren, och fir déi Kanner, déi midd sinn an sech villäicht net méi gutt kënnen konzentréieren.

Firwat? Firwat e Stonneplang changéieren, dee bis elo gutt acceptéiert war? Firwat nees d’Elteren forcéieren, hir Kanner ëmmer weider a friem Hänn ze ginn, opschons se dat villäicht guer net wëllen?

An da kréien d’Elteren ëmmer nees gesot, si wären responsabel fir hir Kanner. Wéi kann een da responsabel sinn fir een deen een ni gesäit?

Wann d’Elteren sech fir d’Schoulaufgaben vun hire Kanner interesséieren, wann si wëllen, selwer mat hinne léieren, well se villäicht eng Method hunn, déi op hir Kanner ugepasst ass, muss och dee Choix respektéiert ginn.

Di lescht Deeg (no deene fuerchtbaren Attentater zu Paräis, den 7. Januar) hu mer ëmmer nees gehéiert, wéi wichteg eis demokratesch Wäerter sinn.

Firwat sollen dës Wäerter net och fir d’Elteren gëllen?

Et kann net sinn, dass eis Gesellschaft nëmmen op eppes histeiert: dass de Mënsch nëmmen ze funktionéieren huet.

All Mënsch ass anescht, all Kand ass anescht. An dat däerf net sinn, dass d’Individualitéit net méi consideréiert gëtt.

Ee Kand ass méi sensibel, en anert e bësschen méi lues, en anert méi kreativ, en anert brauch méi Rou: et ass un den Elteren ze decidéieren, wat fir hir Kanner dat Bescht ass.

Et kann net sinn, dass de Staat ëmmer méi d’Kanner vun den Elteren ewechhëlt, ënnert dem Motto: d’Elteren sinn oft net gutt.

Wann dat dann emol de Fall ass, dann kënnen d’Schoulmeeschteren jo nach intervenéieren.

Loosst d’Kanner nach Kanner sinn, loosst d’Elteren nach Elteren sinn, oder heescht et: „Nees kee Choix?“

Isabelle Schmit-Mines

E puer Reflexiounen iwwer déi „normal“ Schoul an e puer Alternativen op dësem Site:

Patrick Remakel : Deen neie Stonneplang forcéiert all d’Kanner, méi laang an der Schoul ze bleiwen, och déi Kanner, deenen hir Elteren dat net wëllen a mat hinnen doheem schaffe wëllen.

Francy Havé: Wann e gezielten fakultativen Appui och nach sënnvoll kann sinn, esou sinn mir als Elteren géint eng obligatoresch Verlängerung vun dësen Schoulzäiten.

Isabelle : Mee et soll een sech awer och mol an de Kanner hir Plaz versetzen an sech mol d’Fro stellen, ob mir dat géifen flott fannen, dee ganzen Dag an engem Grupp ze verbréngen, wou een sech stänneg un Regelen halen muss, mat ëmmer anerem Personal, am Kaméidi ze sëtzen an kee Raum méi ass, fir sech einfach e bëssi goen ze loossen.

Isabelle: Ech verstinn einfach net, firwat bei deenen offensichtlechen Saachen d’Aen zougemaach ginn an d’Entwécklung ëmmer méi an déi entgéintgesaten Richtung geet. Ech fannen et offensichtlech, dass (virun allem kleng) Kanner bei hir Elteren gehéieren, wou se all dës ernimmten Saachen kënnen kréien: Léift, Vertrauen, Interessi, Opmierksamkeet, Rou an eng Mammesprooch.

Homeschooler hu Quality Time mat anere Kanner, net einfach Quantitéit.

Le jeune Logan Laplante aime étudier mais il s’est rendu compte avoir un problème avec le système scolaire.

Sarah Bock: eng Léisung doran, dass d’Elteren méi Zäit mat hiere Kanner musse kënnen verbréngen an d’Enseignanten vill méi missten kënnen op déi eenzel, individuell Bedürfnisser vun de Schüler agoen.

Famill.lu: All Dag, Är Commentairen, all Méindeg, nei Artikelen

Famill.lu an Méi Elteren, manner Staat: dat selwecht Engagement fir d’Wuel vun de Kanner an den Elteren

 

0 0 0 0 0

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

One thought on “Réflexions

  • 7 février 2015 à 15 h 26 min
    Permalink

    Den Bildungsminister bleift stur.
    Et ass lo um Léierpersonal vir hiren Beitrag ze léschten, nodeems se schon virdrun hirt Scherflein beigedroen hun, an hiren Beruf get ëmmer méi erschwéiert.
    Si gin dobäi an hirer schwéierer Tâche guer net respektéiert, mé au contraire gëtt si nach méi belaschtend gemach.
    Si sin et schliesslech, déi et mussen ausbueden, wann d’Kanner net méi doheem kennen Respekt an Manéieren bäibruecht kréien.
    Hiren Beitrag soll  » dem Bildungswiesen » zegutt kommen, an anere Wieder den Crêchen .
    Sou huet den Minister selwer argumentéiert: « Wer die Sprachförderung ( ab 1 Joer ) unterstützen, die Betreuung verbessern…. will, brauche dafür die nötigen finanziellen Mittel…. »( Lëtzebuerger Wort vum 07.Februar)
    Also mussen mer all vir d’ Betreiungsstrukturen asw. blechen, och déi, déi keng wellen a brauchen!
    Dobäi wir et sou einfach .
    Wann een déijéineg, déi selwer hir Kanner gären giffen selwe r »betreien », durch en Beitrag an d’Pensiounskees gif ofsécheren, an hinnen duerch eng kleng finanziell Sprëtz giff eng zeitweileg beruflech Auszeit erméiglechen, giff dat d’Staatskees bei weitem net sou deier kommen, an et hätt een vill méi vir d’Kanner gemach, wéi se vun den Elteren wegzehuelen.
    Gleichzeiteg wären all Familljen zefridden.
    Mee, wat geschitt ?
    Lo sollen och nach d’Chèque-service vir Musek an Sport, (déi zwar net iwerall akzeptéiert goufen) vun dénen 9.000 Kanner profitéiert hun, ofgeschaf gin !!
    Sans commentaire

    Répondre