Wat gëtt aus hinnen?
D’Zuel vun de Kanner, déi wierklech Problemer hunn an d’Gravitéit vun hire Problemer ginn stänneg an d’Luucht.
« Dat mécht mer echt Suergen » sot de Gilbert Pregno, Psycholog, den 14. September, op RTL.
D’Bindung ass den zentrale Punkt fir e Kand. An dem gëtt einfach keng Rechnung gedroen.
A fir am Bild vum Gilbert Pregno ze bleiwen: dat ass wéi wann en Architekt géif en Haus bauen an d’Fundament géif feelen!
An dee Message kënnt an der Politik einfach net un…
Au contraire, d’Politik mécht alles fir dass d’Fraen solle schaffe goen, an d’Zuel vun de Betreiungsstrukturen geet ëmmer méi an d’Luucht.
Wat bedeit et fir d’Kanner, wann se de ganzen Dag vun hiren Elteren getrennt sinn? Wéi spieren se sech dobäi? Dovunner schwätzt keen.
D’Betreiungsstrukturen sinn eng Beräicherung, seet den Gilbert Pregno och, mä net vun Moies fréi bis Owes. Dofir hu mer haut esou vill wibbleg Kanner.
Da kréie mer dann schäinhelleg vun uewen erof gesot, d’Kanner wären am Mëttelpunkt, d’Elteren kinnten esou wonnerbar Famill a Beruff, mateneen verbannen.
Wéi kann dann, wann ech gelifft, e Kand am Mëttlepunkt sinn, wann et seng Elteren kaum nach gesäit, de ganzen Dag am Kaméidi ass, iwwerfuerdert, iwwermidd ass, well et muss ze vill verkraaften?
Eng richteg Familljepolitik géif den Elteren de Choix loossen, wou se hir Kanner wéilten betreit hunn, bei sech doheem oder an enger Betreiungsstrukutr. Well di eng Elteren hunn et grad esou verdéngt ënnerstëtzt ze ginn wéi di aner.
Eng richteg Familljepolitik géif d’allocations familiales eropsetzen, dass d’Elteren genuch Moyene zur Verfügung hätten fir hir Kanner dezent grouss ze zéien.
Eng richteg Familljepolitik géif et fäerdeg bréngen, dass méi travail à temps partiel, mi-temps, travail à domicile, a firwat net, eng 30-Stonne Woch géif agefouert ginn.
Et kann net esou weidergoen, dass mer einfach esou hinhuelen an nokucken, dass Kanner eng déif Trauer an sech spieren, well se keng richteg Bezugspersoun hunn, vun enger Plaz op di aner, hin an hir geschéckt ginn. Esou e Kand kann sech net equilibréiert entwéckelen. Et ass onverantwortlech vun enger Regierung, alles dran ze setzen, dass d’Kanner méi friembetreit ginn an dat am Wëssen, dass et net nëmmen fërderlech fir si ass.
Isabelle Schmit-Mines
26.09.2016
Ee Commentaire vum Tanja: « Wann ech kucken wat aus léiwen onschëllegen Bébéën ginn ass, déi enorm vill Zäit an der Crèche an duerno an der Maison Relais verbruecht hun, fannen ech dat ganz alarmant. D’Kanner falen ëmmer méi op duerch en opgedréitent an aggressivt, provokativt Verhalen. Dat kann keen Zoufall sinn! »
Liest och op eise Säiten:
Et schéint Kannerbuch: D’Susi Jomes sicht e Kado
Les premiers éducateurs, interview de Caroline Zintz, psychothérapeute
Plaidoyer pour le respect des besoins des enfants, vum Gilbert Pregno
Sécherheet an de Betreiungsstrukturen?
Agenda
Famill.lu an Méi Elteren, manner Staat : dat selwecht Engagement fir d’Wuel vun de Kanner an d’Wuel vun den Elteren
Famill.lu: All Dag, Är Commentairen, all Méindes nei Artiklen
Liens utiles :
Initiativ Liewensufank: www.liewensufank.lu
Association pour la vie naissante: http://www.vienaissante.lu/
FAPEL: http://www.fapel.lu/
(dës Lëscht kann gären completéiert ginn, sot eis Bescheed).
« An obwuel d’Wirtschaft et sech zur Aufgab gemaach huet, d’Mënsche vun der Aarbecht ze befreien duerch d’Automatiséierung, ginn déi konservativ Parteie vu ganz lénks bis ganz riets, net mat dem technologesche Fortschrëtt mat, an halen un deene veraalten Traditiounen an Norme fest. Datt haut sollen esou vill wéi méiglech Koppele mat Kanner sollen zu zwee schaffe goen, an hier Kanner sollen a Maison Relais’en ginn, mat all deene katastrofale Folgen, wou dat huet, fir d’Kanner ass keng gesond gesellschaftlech Entwécklung. Do wiisst eng verluere Generatioun an eis Gesellschaft eran, déi eis iergendwann ëm d’Ouere flitt. Méi dozou, hei an e puer kuerzen Video’en… https://www.youtube.com/watch?v=jaGwH63l9vo https://www.youtube.com/watch?v=DEvTOSiFQno https://www.youtube.com/watch?v=veA-qjIJGhc » -
Eng vu mengen Frëndinnen wollt hallef Deeg schaffen wéi se hire Bébé krut, mä hire Patron huet refuséiert. Elo muss d’Kand an d’Crèche, obwuel d’Elteren dat net ganz gären hunn. Et ass net nëmmen d’Regierung déi villes falsch mécht, mä d’Patronat misst och emol dene jonken Elteren entgéint kommen. Wären d’Leit ob hirer Aarbecht net och da méi zefridden a géife besser schaffen?
Ganz genau. De Patron muss och méi op d’Fanger geklappt kréien. Ech hunn mäin Kand missen 1 Dag méi an Crèche umëllen, wëll et mengem Patron méi wichteg war, Leit ouni Diplôme anzestellen an déi an Ausbildung ze schecken. A wëll déi verschidden Deeg an d’Schoul ginn, mussen anerer zeréckkommen, egal wat virdrun ausgemach ginn war… (Soziale Beräich) Hunn meng Tăche gaeren reduzéiert fir méi Zäit mat mengem Kand ze verbréngen an net fir méi flexibel op der Aarbecht mussen ze sinn!!! Wou steieren mir nëmmen hinn???
Ech sin frou dat meng Mini am Alter sin fir an eng Crèche an dat ech mer erlaben kann all Dag 24/24 fir meng Zwee do ze sinn. Ech wees och dat net jidereen daat machen kann well et finanziell net duer geet. Mä meng Jongen weisen mer all Dag, dat et déi richteg Entscheedung war. Ob däer anerer Säit froen ech mech, wou mer all déi Crèchenplazen hier huelen…
Déi aktuell Familljepolitik ass eng weider Verschäerfung vun der sozialer Selektivitéit a vun der Fliessbandproduktioun vum systemkonforme Mënsche fir d’Economie.
An dat ganzt gëtt dann hannert dem Bild vun der moderner Fra, respektiv der moderner Famill verstoppt, enger Fra déi dach gefällegst net méi soll hannert dem Dëppen stoen, déi knaschteg Wäsch maachen oder nach schlëmmer, doheem soll bleiwe fir Kanner ze erzéien.
An dëser Familljepolitik gëtt praktesch keng Récksiicht geholl, weder op der Famill, nach de Kanner hier Bedierfnisser.
An dat probéiert eis d’Politik elo ze verkafen als ee moderne Gesellschaftsmodell vun der Fräiheet an der Emanzipatioun.
De Plang B vun der aktueller Regierung fir déi helleg Kou vum Aarbechtsmaart ze retten zu egal waat fir engem Präis op Käschte vun der sozialer a gesellschaftlecher Entwécklung geet ëmmer méi an déi falsch Richtung.
Et däerf kee politesche Standardmodell vun der Familljepolitik ginn, dee mat der Erpressung vun der Existenzgrondlag versicht dat vir ze schreiwen.
Een demokratesche „multiple choice“ Modell ass d’Léisung fir déi modern Famill vun haut, wou si selwer kennen entscheeden, wat fir si an d‘Kand am beschten ass.
Déi Regierung gesäit an der Famill haaptsächlech eng Fabrik vun ökonomesch verwäertbarem Humankapital, wou ee Kand net méi däerf Kand sinn a schonn ëmmer méi frei soll ëmprogramméiert ginn als ee standardiséierten « homo economicus ».
Dowéinst däerf deen Familljemodell vun der aktueller Regierung, deen héichgradeg destruktiv ass fir déi folgend Generatiounen, net zur Zukunft ginn.
Am Numm vun de Kanner, muss dat verhënnert ginn.
Stors Marco
» Il y a de plus en plus de parents qui me contactent, car leur enfant est véritablement en souffrance à l’école. Lorsque toutes les aides proposées par l’institution scolaire ont échoué ou tardent à aboutir, ils sont complètement désespérés. Alors, quand en plus, on leur refuse le homeschooling, c’est la fin de tous les espoirs. Parfois, on commence vraiment à essayer de les aider que lorsqu’ils font une demande d’autorisation d’enseignement à domicile. On dirait que les acteurs scolaires sont complètement débordés et dépassés par des problèmes d’ordre social qu’ils ne maîtrisent pas. Le climat scolaire, semble vraiment être un problème. »
Katy Zago
coordinatrice Alli asbl
Ech mierken oft un de Blécker vun de Leit, dass si meng Decisioun net kënnen novollzéien. Ech hu mech dofir entscheed, puer Joer doheem bei mengen 3 Kanner ze bleiwen, bis dat jéngst an d’Schoul kann goen. Oft gin ech dann gefrot: wow, sou laang doheem, langweils du dech net? Du frees dech awer sécher, endlech nees schaffen ze kommen?!! « Eraus aus deem Hausfraenliewen »
Mir hun déi Entscheedung fräiwëlleg getraff, a jiddereen soll sou kënne maachen, wéi hien et fir richteg hällt. Mir mussen eis wuel finanziell bëssen aschränken, mä et geet.
Och mir hun Respekt fir eis Decisioun verdéngt, wann schon net vun der Politik, da wéinstens vun den aaneren Familljen. Mir respektéiren jo och hier Entscheedung.
An, jo ech gi wuel gär schaffen, mä am Moment sin ech gär bei menge Butzen, well wann net lo, dann ass et herno ze spéit!!
Ier een Entscheedungen an engem Beraïch trefft, misst een selwer mol an d’Schlappen vun denen betraffenen Leit eraklammen… Virwaat gëtt de Beruff ‘Mamm oder Papp doheem sin’ esou entwürdegt?
An eiser Gesellschaft steet dësst oft stellvergläichend fir Liddregkeet, ze faul ze sin fir opzestoen an schaffen ze goen. An dann wëllen sou Leit och nach Suen vum Staat revendiquéieren. Dat géif de ganzen System jo nach méi ënnerhalen an nach vill méi Leit géifen profitéieren, abuséieren…
Awer een den säin Beruff als Mamm / Papp doheem serieux mécht, dee wees,s wat en Owes gemach huet. Et ass en 24/24 Stonnen Job, 7/7 Deeg, et gëtt keen Feierowend an och kee Congé. Während engem Dag ass een Kach, Botzfra, Wäschfra, Léierin, Educateur, Psychologue, Médiateur, Infirmier, Sportler, Clown, Secretaire, Manager… Den Alldag muss laafen an d’Kanner dierfen net ze kuerz kommen…
Ech perséinlech ginn 20h/Woch auswärts schaffen. Déi Deeg wou ech mat mengen Kanner doheem sin, sin méi ustrengend wéi déi op menger Aarbecht (an och do sin ech vill ugespaant!) An selten hun ech Zäit op desem Site ze schreiwen…
Natierlech ginn et Elteren, déi net schaffen gin an awer, duerch déi eng oder aner Ursach, net op dem Kand seng Bedürfnisser kennen agoen. Mä virwat gëtt dat verallgemengert? Grad esou Kanner kéinnten vill vun enger Opfangstruktur profitéieren, mä fir si ginn et meechtens keng Plazen, vu dat d’Elteren net schaffen, sin se net prioritär. Dat ass jo e Paradox… An wat ech ëmmer ërëm schreiwen – wieren manner Kanner an esou Opfangstrukturen kéint eng vill méi wäertvoll Aarbecht geleescht gin!
Et ass jo wichteg dat d’Kanner e sozialt Liewen hun, mä zevill as zevill. Ouni drop eranzegoën wéi wichteg d’Bindung zu der Mamm/Papp ass fir e klengt Kand, sin ech frou dat och meng méi grouss Kanner net all Daag mussen auswärts betreit gin. Nee, ech sin net d’accord domadder, dat meng Kanner sou oft Ketchup, Kamellen kréien (ech verbidden hinnen et awer och net an der Maison Relais, soss wieren si déi eenzeg um Dësch, déi dat net dierften kréien)… nee ech well net dat meng Kanner all Daag um Iessen geekelt sin well verschidden Kanner sou onmanéierlech iessen, resp. egal waat mam Iessen machen… nee ech well net dat meng Kanner all Daag d’Ouren an de Kapp wéi hun well sou vill Kaméidi ass… Ech wëll dat meng Kanner sech mol kënnen zeréckzéien wann si einfach hier Rou wëllen hunn… Stonneweis ass et jo flott, si kënnen jo och Aktivitéiten ugebueden kréien, déi een de Kanner net onbedéngt doheem ubidden kann wann een e puer Kanner an verschiddenen Alteren huet, resp., d’Kanner freen sech drop mol einfach mat hiren Kollegen kennen ze spillen.
Ech gin gären schaffen, mäin Beruff mécht mir Freed. Am Moment, mierken ech awer, dat och mat enger halwer Tâche, meng Kanner doheem oft ze kuerz kommen… Bei eis stellt sech d’Fro leider net, mir hun de Choix net, ech kann net mat eisen Kanner doheem bleiwen. Schued, dat verschidden Allocatiounen ewech gefall sin. Bestëmmt konnt keen sech domadder eng gëllen Kroun kaafen, awer fir méi modeste Stéit war dat eng wichteg Hëllef!
Ze soen, et misst een déi ganz Politik am globalen kucken, de Familljen wier näicht ewech geholl gin – dem kann ech net zoustemmen!
D’Allocations familiales goufen net gehéicht, et ass d’Additioun vum Kannergeld mam Boni wat een krut beim éichten Kand. De Loyerzuschuss ass nëmmen fir Familljen déi lounen, d’Bonificatioun déi een op engem Logementsprêt krut ass nach just hallef souvill wéi se war… datt och elo den Chèques-services net méi dégressiv nom « Rang de l’enfant » gerechent gëtt, dat mécht e riisegen Ënnerscheed… Do ass awer ville Stéit eppes ewechgeholl gin! An dann stellt sech awer d’Fro, virwat ass dem engen säin Congé parental méi wäert wéi engem aneren säin?
Ech sin ganz enttäuscht vun der momentaner Familljepolitik, wat a mengen Aen als Mamm, alles anescht wéi familljefrëndlech ass! An wann net e Familljenministère sech fir d’Familljen asetzt, ween mécht et dann?! Am Numm vun de Familljen kann een dach net soen, ‘mir favoriséieren keng Natalitéit, et géifen schon genuch Kanner op der Welt’ an och net, ‘mir machen Politik fir déi Leit déi Moies opstin fir schaffen ze goën’!
Dofir wëllen ze suergen dat Fraen a Männer onofhängeg sin a bleiwen, och wann si eng Zäit bei de Kanner doheem waren ass jo un sech eng gutt Iddi. Mä dach w.e.g. net op Käschten vun eisen Kanner! Do sin jo schon souvill aner Modeller hei diskutéiert ginn, déi dem och géifen entgéint kommen! Eng richteg Familljepolitik déi all enzelnen Member ennerstëtzt!
Ech hun ëmmer 40 St. gär geschafft. Mä lo säit eist Meedchen do ass gesinn ech wéi wichteg et ass als Elteren fir d’Kanner do ze sinn. Net nëmmen wann se krank sinn. Kanner brauchen Elteren wann se aus der Schoul heemkommen an net eng Maison relais bis owes 6/7 auer. Déi Zäit wou mäi Kand an der Schoul ass well ech gären schaffen goen mä duerno well ech fir hatt do sinn. Ech sinn op der Sich no enger hallef Dag Plaz mä leider sinn déi schwéier ze fannen.
Wann et an der Schoul net geet, leit d’ganz Famill drënner. Ech hunn elo bei mengem klengen « Schüler » gesinn, dass elo, wou hien besser an der Schoul virukënnt, d’Atmosphäre an der Famill vill méi entspaant ass.
Ech erzéien méng 3 Kanner och heiheem. Ginn se net an eng Creche. Sinn léiwer bei ménge Kanner. Ech setzen keng Kanner an d’Welt fir dass aner Leit méng Kanner grouss zillen. Nee, nee..
Duerch all déi Artikelen, Temoignagen, Reflexiounen op dësem Site, kann een sech nees normal fillen an enger Welt, déi entgleist!
Wann emmer méi Kanner friembetreit sollen gin, machen ech mir eeschthaft Suergen em d’Qualitéit déi dann nach ugebueden gëtt! Ech schaffen selwer am socio-edukativen Bereich an och méng Kanner gin an d’Crèche/Maison Relais an ech wees dat leider nët all Persoun déi am edukativen Bereich schafft, dat mat Haerz a Séil mëcht… Schon elo ass eng ganz Partie inkompetent Personal um Terrain – wéi waert ët dann sin wann nach manner Selektioun do waert sin?!
Näicht ersetzt d’Laachen vun engem Kand. An et huet keen d’Recht hinnen dat Laachen ewechzehuelen.
« d’Kanner verschwannen einfach an der Mass »: wéi traureg, wann een dat bedenkt. All Kand ass dach individuell an et huet keen Zäit fir sech mat all eenzelt Kand ze beschäftegen. Et gëtt de Kanner ugedoen, wat ee selwer net wéilt hunn.
Eng Emfro vum Journal confirméiert wat ech an zech Rieden gesot hun a net midd ginn ze soen: Elteren a Kanner brauchen Zäit fireneen!
Zäit fir hirt Familljeliewen ze gestalten, ze liewen an ze genéissen. Zäit fir d’Famill!! An net deen Drock a Stress, deen hinnen vun der aktueller Regierung operzwongen gëtt!
Et soll een e Mëttelwee fannen, wann d’Elteren nees prett sin fir schaffen ze goen, sollen se dat maachen, mä net komplett, sou dass se nach Zäit fir hir Kanner fannen!
… Ech wënschen Iech all méiglechen Erfolleg an Ären Beméiungen, fir de Wahnsinn wéinstens ze bremsen. BG
« Sidd Dir zefridden mat Ärer Betreiungsméiglechkeet? »
« Jo, well mer se doheem erzéien kënnen. An dat gesi mer hautdesdaags als ‘Luxus’ , traureg eigentlech. »
Ass et net traureg, dass esou vill geschwat a geschriwwe gëtt, iwwer dat natierlechst vun der Welt: seng Kanner erzéien, fir seng Kanner, einfach do sinn, hiren Alldag deelen. Esou vill Elteren däerfen dat net méi an do gesi mer wéi traureg, dat Ganzt ass. Ech hoffen et kann eppes bewierkt ginn. Fuert weider mat Ärem Engagement
Ech wees nach, wéi meng Mamm esou oft gesot huet: « Spare in der Zeit, so hast Du in der Not ». An där Zäit gouf et och nach Zënsen, an do konnt een houfreg sinn, wann een fir seng Kanner konnt eppes ewechleen. Haut ass dat jo bal net méi méiglech. Och en Imprévu ass séier geschitt an dann ass ee frou, wann een nach eppes iwwreg huet. Deene jonken Familljen gëtt et net einfach gemaach, dat ass eng Schan. Wann een näicht kann ewechleen, ass een am Liewen oft schlecht drun. Mä dat ass deenen Finanzexpereten ganz egal.
Et war e Virus ënnerwee, duerch deen vill Kanner krank gi sinn an och, deelweis d’Elteren. Ech kennen der. Ech wisst emol gären, wéi déi Familljen eens gi wären, wann se net eng Bomi, e Bopa gehat hätten, déi deene jonken Elteren gehollef hätten. Wann d’Grousselteren allen zwee elo och sollen ëmmer an nach ëmmer schaffen, ka kee méi, een vir deen aneren do sinn an asprangen, wa wierklech Nout ass.
De Rentesplitting aféieren. Sech doheem ëm Kanner a Stot këmmeren fir herno mam RMG oder enger Mindestrent do ze sëtzen, kann et net sinn. Obschonn d’Rent während dem Bestietniss vum Stot abezuelt gëtt, kritt no enger Scheedung just deen se, dee schaffe gaang ass. Den Xavier Bettel hat a senger Ried, den 14.10.2014, gesot : « An Der Pensiounsversécherung mache mir 2016 e Bilan vun der Pensiounsreform an elo scho gi mir e Projet am Beraïch Individualisatioun vun de Pensiounen un, dee sougenannte Splitting. »
Méi Zäit vir d’Kanner wär schéin awer leider an deser Zäit schwéier, an déi, déi Zäit hätten, ginn se den ganzen Dag of, nit all, awer vill machen daat. Manner Stress ass gutt geschwat, awer och daat ass nit ëmmer dran, zumols wannste eleng bass mat dräi an 40 Stonnen schaffen geess, vir dengen Kanner eppes kënnen ze bidden an nit op dem Staat seng Käschten ze liewen an den Kanner ze weisen, daß een muss schaffen goen vir Geld se hunn an sech eppes leeschten ze kënnen. Bëssen méi Ënnerstëtzung, vir déi Leit, dass se bëssen méi Zäit sech leeschten kënnten, vir mat hiren Kanner ze sinn, respektiv den Alldag besser plangen kënnten, mat manner Stress wär schéin an och am Interessi vun den Kanner. Mä dann misst een och den Patron ënnerstëtzen, well dann Leit manner Stonnen do wären an déi durch anerer ersetzt missten ginn.
Den Aarbechtsminister huet den Owend am Journal op RTL gesot, hie wär am Ufank vun sengem Mandat bei d’ADEM gaangen, fir nozekucken, ob et do wierklech esou schlëmm wär wéi ëmmer gesot gouf. An dorobber hinn ass vill changéiert. Et wär dann och emol wichteg, dass d’Familljeministesch an den Educatiounsminister mol sollen an d’Crèchen an an d’Maison-relais kucke goen, wéi et de Kanner dann do geet. Da géifen se villäicht emol verstoen, vu wou de Stress, d’Aggressivitéit an d’Onzefriddenheet hirkommen.
Ech fannen dat super, dass emol Een sech Gedanken iwwer d’Familljepolitik mécht!
Heainsdo entscheeden just e puer Honnert Euro am Mount doriwwer, ob eng Fra muss schaffe goen oder net, fir datt d’Famill iwwer d’Ronne kennt (ëmmerhinn kascht et jo och vill Geld seng Kanner an d’Crèche oder bei ‘Dagesmamm ze ginn, do ginn also och rem Sue verluer). Pensiounsofsécherungen oder Allocatiounen géifen der enger oder anerer Fra d’Entscheedung doheem ze bleiwen méi liicht maachen (sou wéi dat bis viru kuerzem mat der allocation d’éducation de Fall war). Virun allem geet et awer dorems, wéi wichteg et ass, dass d’Kanner an den éischten 3 Joer an am beschten nach doriwer raus, kënnen a Rou doheem opwuessen. Wat ech aus de Crèchen a Maisons Relais’en héieren a liesen (meeschtens vun Educatricen, déi do schaffen) léisst mer d’Hoer zu Bierg stoen. Et ass fahrlässeg an irresponsabel vum Staat, déi aktuell Richtung bäizebehalen.
Bemutterung ist out
Fremdbetreuung ist in.
Wir bezahlen beinahe jeden
um nach den Kindern zu schauen
ausser ihre Mütter
Peter S. Cook
Mir hun di lescht Woch gemierkt datt eist Pflegekand Kappleis hat. Mir hun dorobshin d’Crèche informéiert, wou hatt e per Stonnen an der Woch higeet, fir sech un deen System ze gewinnen, éier et dann d’nächst Joer an d’Schoul geet. Déi Responsabel vun der Crèche hunn eng ganz grouss Geschicht doraus gemach, eist Kand huet mol direkt net méi dierfen dohinner goen, an wéi et dun den 1. Daag rëm dohinnergaangen ass, hunn se eis kontaktéiert fir eis ze soen, wéi schlampeg mir seng Hoer traitéiert hätten (just de contraire war de Fall!!) an wollten w¨rssen ob mir dann heiheem alles gebotzt hätten. Mir waren entsaat iwwert déi Ënnerstellungen, an dann nach engem Kand, wat schons en Statut huet deen net einfach ass, sou eppes unzedin. Mä Onmenschlechkeet ass jo do am gréissten, wou een am meeschten Verstees-de-mech a Léift fir d’Kanner geng erwarden.
Aus eiser Ëmfro: « Macht weider sou, meng Ënnerstëtzung ass do ».
Et ass ëmmer dat selwecht wat si seet, datt déi meescht Elteren dat sou wëllen, a vun den betraffenen Kanner geet keng Rieds.
Dobäi freet si net virwat sou vill musse schaffen goen.
Jiddenfalls kann si sech net méi ahnungslos stellen, well si duerch eis Ëmfro genau Bescheed weess…
Et ass traureg, wann d’Trauer vun de Kanner si kal loossen. Wann een d’Äntwert vun der Ministesch kuckt, geet et just ëm de congé parental, ni ëm d’Kanner, weder ëm di kleng, nach ëm di grouss. An dat mécht mech traureg.
Hunn déi Scheiklappen oder wat? Si mierken, dass et dach net esou ka weider goen a fueren stur virun ze promouvéieren, dat wär am Intérêt vun der ganzer Gesellschaft. D’Kanner ginn geopfert fir e Wuelstand à court terme. « Politique de l’autruche », nennt een dat.
Oh nee, d’Politik huet keng Scheiklappen un! Dat alles huet System! D’Politik brauch keng Populatioun di selwer denkt, dofir muss si d’Mënschen vu klengem un, ënnert hir Fittichen huelen, da sinn se henno alleguer Roboteren déi ee liicht ka manipuléieren. Daat eenzegt fir dodergéint unzegoen wier, datt esou vill Familljen wi iergend méiglech domat d’accord wieren, fir ebe mi kleng Bréidercher ze baaken, an hirer Famill emol ërëm Zäit, Léift a Gebuergenheet ze schenken. Zefriddenheet a Gléck si méi Wäert wi all Suen op dëser Welt!
Gëschter Owend hun ech mat enger Léierin geschwat, an si gefrot, ob si en Ënnerscheed giff mierken, ob en Kand an der Crêche wor oder nët.
Si huet mer nees eng Kéier bestätegt, wat ech eigentlech schon wousst, nämlech, dat een dat direkt mierkt.
Déi Kanner, déi doheem erzun gin, behuelen sech normal an ponderéiert , während déi aner éischter hektesch reagéieren, an oft e grousst Geltungsbedürfnis hunn, also en Mangel un Selbstvertrauen…
« Mir wëlle nit méi an d´Maison Relais… » hunn 4 Kanner mir emol an der Schoul erzielt. « Et ass langweileg, d´Iessen ass nit gutt an si meckeren ëmmer mat eis. » An dat soten déi Kanner nit nëmmen eemol….
Virun enger Vakanz huet e Kand, wat doheem bei senger Mamm ass, gesot: « Ech free mech op d´Vakanz, well da kann ech doheem vill spillen a meng Frëndin kennt och bei mech schlofen. Ech ka méi laang opbleiwen a Moies méi laang schlofen. »
Een anert d´Kand huet geäntwert: » Ech free mech awer nit op d´Vakanz, ech muss all Dag an d´Maison Relais. »
Dobäi wees ech, dass dëss Maison Relais eng kleng ass an nach laang nit esou iwwerlaaf wéi aner Maison Relais´en. D´Personal gëtt sech och Méi, mä et ass e Fakt, dass een d´Heemlechkeet, d´Léift an d´Vertrauen wat een zum eegenen Doheem huet, ni kann ersetzen.
Ech selwer wéilt nit an d´Maison Relais goen. An Frëndinne vu mir, déi an der Maison Relais schaffen, soe selwer, si géifen sech esou arrangéiren, dass hier Kanner sou mann wéi méiglech an d´Maison Relais musse goen, well d´Kanner och nit gäre ginn.
Als Léierin kann ech alt erëm bestätegen, dass ech genau un dem Behuelen an leider och un den Leeschtungen an der Schoul ka gesinn, wéi e Kand nit oft (oder guer nit) an d´Maison Relais geet an wéi eng Kanner praktesch all Dag bis Owes do sinn.
Et ass traureg, dass eise Ministère dat nit well agesinn. Dës Generatioun Kanner soll eis herno am Alter ënnerstëtzen, schaffe goen an esou och eis Pensioune bezuelen. Duerch déi ganz Friembetreiung an Massenhaltungen, gëtt den décrochage scolaire emmer méi grouss. Vill Jonker si schonn mat Depressiounen oder Burn Out am fréie Beruffsliewen geplot. An dat nit well si pipesch sinn… neen si sinn an eng Stressgesellschaft eragebuer ginn vum 1ten Dag un… an de Stress begleet eis Bébéen, Kanner, Jugendlecher an Erwuessener vu Moies bis Owes. An Stress ass e Killer. De Stress mécht Bezéiungen vun den Elteren , Bezéiungen tëschent Elteren a Kanner an och Bezéiungen zu gudde Frënn, Noperen an eelere Leit futti.
Ech war entsaat wou ech vun dem faméisen Video gehéiert hun! D’Leit gin jo wirklech fir blöd gehaalen. Traureg wéi alles ënnert engem Goldmäntelchen verkaaft gëtt an déi Façade mat allen Moyen’en probéiert gëtt, oprecht ze erhaalen.
Wat d’finanziell Ënnerstëtzung ugeet, Gottseidank profitéieren mir nach vum aalen Kannergeldsystem, soss kéinten mir eis an eisem Ménage keen Temps partiel leeschten! Leider ass et net méi op gaangen fir d’Allocation d’éducation – schued, mat dem klengen Surplus hätten mir eisen Kanner e puer schéin Aktivitéiten erméiglechen kënnen… Bon, dat ass eng Saach – traureg fir déi Familljen, déi nokommen!
Mä, datt dës Suen geholl ginn, fir de Kanner z’erméiglechen, ëmmer méi Zait an de Betreiungstrukturen ze verbréngen, dat révoltéiert mech! Ech wëll dat net fir meng Kanner a wann ech meng Kanner froen, si wëllen dat och net!!! Wéi eng Qualitéit vun Aarbecht gëtt do nach ugebueden? Emmer méi onqualifizéiert Personal oder Personal dat villäicht den Diplom huet awer denen een als Elteren NIE sai Kand géif uvertrauen wann een de Choix hätt. Mä vu dat et u Personal iwerall mangelt, fannen dann trauregerweis obemol och esou Leit eng Aarbecht an kréien dat Wäertvolltst uvertraut, wat d’Elteren hunn! An déi Leit ginn Virbilder fir di nächst Generatioun. Leider huet een an Betreiungstrukturen net de Choix, ween däi Kand begleet!
Wann ech kucken wat aus léiwen onschëllegen Bébéen ginn ass, déi enorm vill Zait an der Crèche an duerno an der Maison Relais verbruecht hun, fannen ech dat ganz alarmant. D’Kanner falen ëmmer méi op duerch en opgedréitent an aggressivt, provokativt Verhalen. Dat kann keen Zoufall sin! (Natirlech ginn et och Kanner déi opfälleg ginn obwuel se doheem grouss ginn an a kenger Opfangstruktur sinn, einfach well d’Konditiounen doheem net stëmmen – mä dat ass just eng Minoritéit… ) Studien vun Experten leien vir, Elteren mellen sech zu Wuert, mä virwat gin d’Aen einfach zou gemat?!
Majo fir dass de Papa Staat di nächst Generatioun ka schéi propper manipuléieren an déi Richtung, di e gär hätt. Dofir hu mer jo och di énorm héich Liewenshaltungskäschten. Daat as extra fir d’Leit ze néidegen, dee Wee, deen d’Politik brauch, ze goen. Daat Ganzt as nach net ausgeräift, mä de Staat schafft drun. Ech mengen, den George Orwell läit guer net esou schlecht mat senger Fictioun « 1984″. An dee beschte Wee fir deem Ganzen Paroli ze bidden, as eise Kanner, deem Wäertvollsten dat de Mënsch huet, eng Kandheet voll Léift a Gebuergenheet ze schenken, an domat e gudde Start an d’Liewen. Léiw Elteren, halt op Är Kanner mat materielle Sâchen ze iwwerheefen, a gitt hinnen dat, wat se wierklech brauchen, an domat och dat Wäertvollst wat Dir ze gin hutt – Är Léift an Är Zäit.
Et gëtt ëmmer besser, domadden net genuch, wat Dir hei geschriwwen hutt. Am Essentiel steet et an et kënnt nach eng drop: de Werbefilm vun der Madame Cahen kascht net 19.000 Euros, mä 93.100 Euros. Mir ginn schéin bei d’Lisette gelooss. Da mussen d’Leit eng Steier vun 0,5% « fir d’Zukunft vun de Kanner » bezuelen, d’Kannergeld geet erof an d’Rentrée scolaire och: dat ass jo esou schlëmm, well d’Schoul kascht enorm. Keng allocation de maternité an d’éducation. Mir kréien gesot et misst gespuert ginn. Majo dann… D’Haaptsaach ass, si kënnen sech weisen. A wat mer och do am Film gewise kréien, kann dach net klappen. Wat denken se sech?
Et geet nëmmen méi ëm eng Saach: Konsum, Konsum, Konsum. Wann d’Tanja, op dësem Site schreift, si wär frou, dass hir Kanner schonn virun der Reform op d’Welt komm sinn, well se soss keen temps partiel kinnt hunn, da mierkt een dass et der Regierung net ëm d’Wuel vum Kand geet. Well, wann am Video, d’Madame Cahen seet, d’Elteren sollen sech Zäit huelen fir hir Kanner, dann kann dat dach zäitlech net opgoen. Also, gëtt einfach finanziellen Drock gemaach, an dat anert ass Theorie..
…ech weess jo net wéi et bei deenen aneren ass, mä ënnert dem Strëch hunn ech dann elo (mat 3 Kanner) 3,2€ Kannergeld MEI de Mount, WOW ! dofir awer 179€ MANNER bei der allocation de rentrée scolaire ! MERCI.
Dat Bescht waat ech konnt maan, war no 13 Joer, meng Aarbecht un den Nol ze hänken fir doheem bei mengen Kanner kënnen ze sinn! Hausfra a Mamm.
Et ass esou traureg, dass vun uewen erof behaapt gëtt, nëmmen déi Leit, déi schaffen wären eppes Wäert. Wéi vill Talenter ginn developpéiert, doduerger, dass een seng Kanner anstänneg erzitt, oder duerch Benevolat. Wéi vill Suen de Staat do spuert, dovunner gëtt ni geschwat. Wann ech engem Kand bei sengen Hausaufgaben regelmässeg hëllefen, well d’Elteren et net kënnen, da kënnt dat Kand ouni Stress an d’Schoul an et kënnt gutt mat. De Staat soll emol mierken, dass déi Leit, déi sech fir anerer asetzen och hire Wäert hunn an net nëmmen di schaffend Leit. De Rentesplitting wär villäicht d’Léisung.
Bénévolat ass och Aarbecht! Souwisou, mussen se sech dach emol endlech eppes afale loossen, well d’Aarbecht gëtt op ville Plazen vun Computeren iwwerholl. Wou soll een dann nach schaffen? Also, soll jiddereen, deen fir en aneren do ass, och eppes zegutt hunn. Villäicht wär d’Iddi vum Bedingungsloses Grundeinkommen net esou schlecht.
Datt an der Crèche haaptsäschlech franséisch soll geschwat gin, fannen ech fuerchtbar, ech well dat mäin Kand seng Mammensprooch emol zedeischt richteg kann, an wann ech mäin Kand muss 8 Stonnen an d’Crèche ginn, an et do just franséisch héiert an schwätzt, kann et herno seng Mammensprooch net richteg, hun dat elo schon gesinn, bei engem an der famill, déi e klengt Kand hunn, dat schwätzt franséisch an lëtzebueresch duerchenaner, an versteet mol oft net wat seng Mamm op Letzebuergesch zu him seet ( an der Crèche wou hat ass, get och haaptsäschlech franséisch geschwat), ech fannen dat fuerchtbar an ech empfannen den Projet vum Här Meisch als Frechheet, Frechheet vis à vis vun eiser Mammesprooch, an den Elteren, well déi sollen dat decidéieren, an net hien oder Regierung. Ech sinn frou dat meng Kanner elo grouss sinn an ech esou eppes net méi muss matmachen, mä elo sin ech Boma, an ech machen mir Suergen emt mäin Enkel, an et mecht mech traureg, fir hien an mäin Meedchen, dat sie, ganz kloer aus finanziellen Grënn, net d’Chance hunn, Zäit zesummen ze verbréngen, hatt fir säin Kand kann do sinn, an hien net déi Gebuergenheet vun senger Mamm kann kréien, éei en jo awer bräicht, eis Regierung mecht an dei Richtung guer näicht, an eis Ministesch ass an déi Richtung och komplett immun, wéi ech schonn oft an Kommentarer vun de Leit gesin hunn, dës Familjenpolitik ass an mengen Aen déi schlëmmst, déi mer bis elo haten, egal op et sech em Méiglechkeet eng Zäit doheem ze bleiwe , ënnerstëtzen man se dat jo finanziell schon guer net, oder op dat Schoul ass, Méiglechkeet hallef oder deelzäit ze schaffen…. fir seng Kanner kënnen do sinn, mat hinnen Zäit ze verbréngen an Gebuergenheet ginn, en Lachen an Freed an hieren Aen ze gesinn, ass dat schéinst an wichtegst wat et gëtt.
Witzeg, gell?! Well een an de Schoul JUST DE CONTRAIRE gesait! Mee firwat man se d’Aën zou virun dëser Tatsaach?? Mir gëtt et dronkenellen wann ech dat alles héieren…mee WAT kënne mir dogéint maachen fir eis ze wieren?
Et wier vleicht eng Idee un d’Gewerkschaften run ze trieden fir een Streik ze organiséieren. Déi sinn jo och net grad iwerzeegt vum Zukunftspak.
Ech fannen et wichteg datt mir hinnen weisen, datt mir daat net gudd fannen. Woubäi ech awer och zweiflen datt et eppes ännert, well eis Regierung ass fest décidéiert, wann een zum Beispill kuckt wéi et mat den Studentenboursen an mam Tram gang ass.
D’Mammen mussen hir Kanner ërëm zu hirer éischter Prioritéit machen. Kommt mer fänken ërëm un, eis Kanner selwer ze erzéien, mer backen e besse mi kleng Bréidecher a mer gin eise Kanner Léift an Zäit. Géifen der vill dat an Zukunft machen, da misst de Staat dodrop réagéieren, aplaz datt mer schéin alleguer dem Staat säi Spillche matmachen.
Pascale Lentz,
Dat ass jo dee grousse Problem, d’Elteren hunn KENG GEWERKSCHAFT! D’Gewerkschaften schaffen am intressi vun de Salariéën an nit vun der Famill…
Hei eng *kleng* Iwwerleeung zu dem Thema, hun den Text Haut ënneranerem hei ram geschéckt fir zë veröffentlëchen:
Créatioun vun enger offizieller “Gewerkschaft” fir Familljen eng Optioun?
D ‘Salariéeën hunn Gewerkschaften déi hier Intresse bei der Regierung vertrieden an d ‘Entreprisen hunn d ‘Delegatioun vun de Patronen déi hier Intresse bei der Regierung vertrieden, wéi een an der läscht konnt gesinn hunn déi Gremien vill Poids fir géint d ‘Décisiounen vun der Regierung unzegoen. D ‘Elteren hunn keen den hier Interessi vertrëtt a si mussen sech esou dann och den Décisiounen vun der Regierung ënneruerdnen.
Ech géing et gutt fannen wann et eng “gewerkschaftlëch” Ulafstell fir Elteren géif ginn. Eng Ulaafstell déi fir d‘Intressen vun den Elteren bzw de Familljen hei am Land antrëtt an och vun der Regierung acceptéiert gëtt. Dëst kéint een Deel vun der Aarbecht vun deeër Institutioun sinn, ech kann mer awer och virstellen dass een als Elteren mat Problemer (an enger Crèche mat Formalitéiten etc.) kéint do uklappen fir do gehollef ze kréien. (Ufroën vum Kannergleld, Congé parental, staatlëche Bäihëllefe etc.) Ausserdem kéint een eng Datebank opbauen vun Elteren déi aaner Elteren kéinten hëllefen (wann een zum Beispill ee brauch den eng oder zwou Stonnen op ee Kand oppasst, well een ee wichtege Rendez-vous huet etc, dëst haaptsächlech fir Elteren deenen hier Kanner nit an eng Betreiungsstruktur ginn, an dofir heinsdo awer fir ë puer Stonnen eng Persoun brauchen wou së hier Kanner kënnen versuerge loossen).
Sou kéint een reng hypothetesch gesinn, wann all Member ee Beitrag vun 50€ Participatioun pro Joer géing bezuelen, mat 4000 Memberen esou eng Ulafstell fir Elteren “Joresbudget vun +/- 200’000€ Salairen fir 2 Ganzdeegplaatzen, Loyer, Assurances, Formatiounen, PCën etc. eben alles abegraff“ opbauen.
Laut dem Statec (2011) ginn et zu Lëtzëbuerg vun 171’953 Ménagen am Total, 67’405 Ménagen mat engem oder méi Kanner déi potentiell Member kéinte ginn, fir esou eng Ulafstell ze grënnen bräicht een also 6% vun deene Ménagen mat Kanner déi géingen Member ginn. Wier dat nit eng Idee?
Et ass zwar schued dat een haut se daags esou muss virgoen, mee dat wier effektiv eng ganz gutt Iddie, an mengen dat do op dauer och kee Wee do laanscht féieren wäert.
Mee ech sinn houfereg dat esou vill leit déi Saach esou gesinn.
Et ass jo wirklech traureg dass Mënschen nemmen eppes wäert sin, wann se Geld verdingen, an dat as bei Mammen an Hausfraen am Haaptberuf nun emol net méiglech!
Elo sin ech dann haaptberuflech Bomi, an esou geet de « Misär » erem un! Bei der Volkszählung gett de Beruf « mère au Foyer » net akzepteiert etc…
Aus wat besteet eis Welt dann, mä aus den ehemolegen Kanner, an die brauchen Léift, Vertrauen an eis ganz Ennerstetzung fir eis Welt besser ze machen! An des wichtegst Aufgab op der Welt muss emol endech ënnerstëtzt an unerkannt gin.
Sylvie
Tip-top! Daat ass gudd a richteg esou!
Ech hunn opgehal mat schaffen wéi eist éischt Kand op d’Welt koum. Mir hunn der elo 4 an ech sinn nach ëmmer doheem, obwuel eisen Jéngsten elo scho 14 Joër huet. Et muss ee sech vill Kritik gefallen loossen- ech sinn wéi et schéngt Schmarotzer, eng verdommten Hausfra, lidderech…! Dass mir eis mat nëmmen enger Pai arrangéiert hunn, alt heiandsdo hu missten op eppes verzichten, net all Joer eng Vakanz konnte machen daat interresséiert net. Mir hunn de Choix gemach mat allen Konsequenzen an ech stinn och haut nach voll derhannert. Meng Kanner beweisen datt et richteg war. D’Resonnanz op hiert Verhalen gëtt mer Recht. An nach ëmmer sinn si frou wann ech doheem sinn wann si heem kommen. Ech géif soen daat all Zäit déi ee kann oder wëll fir seng Kanner doheem bleiwen nëmmen positif Auswierkungen huet.
Super Decisioun!!
yolande